.jpg)
~~~~~~~~~~~~~~~~~~~~~~~~~~~~~~~~~~~~~~~~~~~~~~
ရန်ကုန်၊ နိုဝင်ဘာ ၂၀
ရန်ကုန်မြို့၊ ကြည့်မြင်တိုင် တစ်ဖက်ကမ်းမှ ရန်ကုန်ဘက်ကမ်း အလုံမြို့နယ် အ.ထ.က (၇) ၌ လာေ ရာက် ကျောင်းတက် နေရသည့် ကျောင်း သား ကျောင်းသူများမှာ အလုံမြို့နယ်၊ သစ်တောရပ်ကွက်၊ မေဒေး ဆိပ်ကမ်းရှိ သမ္ဗန်ဆိပ်အား တပ်မတော်ပိုင် မြန်မာ့စီးပွားရေး ဦးပိုင်လီမိတက် လက်အောက်ရှိ မြန်မာ့ စီးပွားရေး ကော်ပိုရေးရှင်း MEC က ခြံစည်း ရိုးခတ်ရာ ဖြတ်သန်း မသွားလာနိုင်တော့သဖြင့် ခြံစည်းရိုး ဖယ်ရှားပေး ရန် တောင်းဆို နေသည့် ဓာတ်ပုံများအား ကျောင်းအုပ် ဆရာမကြီးဖြစ် သူ ဒေါ်အေးအေးမြင့်က ဆန္ဒပြ ကျောင်းသားများ ဟု ခေါင်းစဉ် တပ်၍ ကျောင်းနံရံများ၌ ကပ်ထားကြောင်း ကျောင်းသားမိဘ တစ်ဦးဖြစ်သူ ဒေါ်စန္ဒာမြင့်က နိုဝင်ဘာလ ၂၀ နေ့ တွင် မြန်မာသံတော်ဆင့်သို့ ပြောသည်။
အဆိုပါ သမ္ဗန်ဆိပ်အား မြန်မာ့စီးပွားရေး ကော်ပိုရေးရှင်း MEC က နိုဝင်ဘာလ ၁၆ ရက်နေ့တွင် ခြံစည်းရိုး ခတ်ခဲ့ခြင်းဖြစ်ပြီး ကျောင်း သွားရာတွင် အသုံးပြုသည့် လမ်းကြောင်း ပိတ်သွားသဖြင့် ကျောင်း သား ကျောင်း သူများ ၄ ရက်ကြာ ကျောင်းမတက်နိုင် ဖြစ်နေရာ ယင်းခြံစည်းရိုး ခတ်ထားမှုကို ဖျက်သိမ်းပေးရန် နိုဝင်ဘာလ ၁၇ ရက်နေ့ကတည်းက ကျောင်းသား မိဘများက တောင်းဆိုနေခြင်း ဖြစ်သည်။
““ ၃ ရက် မတက်ရင် ကျောင်းထုတ်ပစ်မယ်ဆိုပြီး မှာလိုက်တယ်။ အခု ကျွန်မတို့ ကျောင်းသားတွေကို ဓာတ်ပုံ ရိုက်ပြီးတော့လည်း သူတို့ရဲ့ ကျောင်းက အခန်းတွေမှာ ချိတ်ထားပါတယ်။ ဆန္ဒပြကျောင်းသား လူငယ်များ ဆိုပြီးတော့ ချိတ်ထားပါတယ်။ နောက် ကျောင်းတက်တဲ့ ကလေးတွေဆီက စာကူးဖို့ စာအုပ်သွားငှားတဲ့ အခါမှာလည်း လုံးဝမငှားရဘူးလို့ စာမကူးရပါဘူး”” ဟု ကျောင်းသားမိဘတစ်ဦး ဖြစ်သူ ဒေါ်စန္ဒာမြင့်က ပြောသည်။
ခြံစည်းရိုး ခတ်လိုက်သဖြင့် လမ်းပိတ်ဆို့ထားမှုနှင့် ပတ်သက်၍ နိုဝင်ဘာလ ၂၀ ရက်နေ့က ခရိုင် အုပ်ချုပ်ရေးမှူး လာရောက် ညှိနှိုင်းခဲ့ရာ ကျောင်းသား များနှင့် ကျောင်းသား မိဘများအား ခြံစည်းရိုး မဖျက်ဘဲ ဖြတ်သန်းခွင့်ပြု မည်ဟု ဆိုသော်လည်း ကျောင်းသားမိဘများကမူ ယင်းလမ်းကို ပြန်လည် ဖွင့်လှစ်ပေးရန် ကိုသာ တောင်းဆိုခဲ့သည်။
ခြံစည်းရိုး ဖျက်သိမ်းပေးရန်အတွက် မိဘများနှင့်အတူ တောင်းဆိုနေ သည့် ကျောင်းသား ကျောင်းသူများ၏ ဓာတ်ပုံများအား ကျောင်းစာသင်ခန်း များအတွင်း ကပ်ထားခြင်းနှင့် ပတ်သက်၍ အ.ထ.က (၇) အလုံ ကျောင်း တာဝန်ရှိသူများထံသို့ ဆက်သွယ်မေးမြန်းခဲ့ရာ ““ကျွန်မ ဆရာမကြီးကို သွားကြည့်တာ မရှိဘူးရှင့်။ ဘယ်သွား လဲတော့ မသိဘူး။ ကျွန်မတို့မှာက ဘာမှ ပြောပိုင်ခွင့် မရှိဘူးရှင့်။ မနက်က အထက်လူကြီးတွေ ဆင်းလာပြီးပါ ပြီ။ ကျွန်မတို့ ဘာမှပြောပိုင်ခွင့် မရှိပါဘူး။ ကျွန်မတို့ Notice Board တွေတောင် မချိတ်ရသေးဘူး။ အခု Gun တွေ ဖောက်နေတုန်း။ အဲဒါ ကောလာဟလတွေ ပါ””ဟု အဆိုပါ ကျောင်းတွင် အဋ္ဌမတန်း သင်ကြားပေးနေသူ လုပ်သက် ၂၈ နှစ်ရှိ ဆရာမ တစ်ဦးက ပြန်လည်ဖြေကြားသည်။
No comments:
Post a Comment