.jpg)
အီရတ်အနောက်ပိုင်း အန်ဘာပြည်နယ်မှ မြောက်ပိုင်း ဆလာဟွတ်ဒင်သို့ ဆက်သွယ်ထားသော အမြန်လမ်းမ တစ်လျှောက်၌ ကုန်တင်ကား ယာဉ်မောင်းများနှင့် စီးပွားရေး လုပ်ငန်းရှင် ၄ဝ ကို ISIL တက်ဖီရီ စစ်သွေးကြွများက ပြန်ပေး ဆွဲသွားကြောင်း ဒေသတွင်း သတင်းများအရ သိရသည်။
ပြန်ပေးဆွဲခံရသူများသည် ၎င်းတို့၏ ကုန်ပစ္စည်းများ ရောင်းဝယ်ဖောက်ကားမှုပြုလုပ်ရန် ခရီးသွားနေစဉ် ပြန်ပေးဆွဲခံခဲ့ရခြင်းဖြစ်ကြောင်း အန်ဘာပြည်နယ် အရာရှိက ပြောခဲ့သည်။ စစ်သွေးကြွများသည် အဆိုပါယာဉ်များကို ချုံခိုတိုက်ခိုက်ခဲ့ခြင်းဖြစ်ပြီး ပြန်ပေးဆွဲနေစဉ်အတွင်း နှစ်ဦးကို ခေါင်းဖြတ်သတ်ခဲ့သည်ဟု ဆိုသည်။ ကျန်ရှိသော ပြန်ပေးဆွဲခံရသူများ မည်သို့ဖြစ်ပျက်သွားသည်ကို မသိရသေးပေ။
ယခုသတင်းပတ်အစောပိုင်းကလည်း ISIL စစ်သွေးကြွများက တီကရစ်မြို့မြောက်ပိုင်း အရှေ့ဘက် ဆွန်နီမျိုးနွယ်စုများဒေသ၌ ညမထွက် ရအမိန့်ထုတ်ပြီး နောက်ပိုင်းတွင် လူ ၅ဝ ကို ပြန်ပေးဆွဲခဲ့သည်။
စစ်ဒဏ်ခံစားနေရသော ဆီးရီးယားနယ်စပ်ရှိ အန်ဘာပြည်နယ်သည် ISIL အင်အားစုများ၏ အဓိကခြေကုပ်စခန်းလည်းဖြစ်လာခဲ့ပြီး ၎င်းတို့သည် တဖြည်းဖြည်း နယ်မြေချဲ့ထွင် သိမ်းပိုက်မှုများ ပြုလုပ်ခဲ့သည်။
ISIL တို့သည် ဆီးရီးယားနယ်မြေ အတော်များများကိုလည်း သိမ်းပိုက်ထားပြီး ပထမဆုံးအုပ်စုကို အီရတ်နိုင်ငံသို့ ဇွန်လက စေလွှတ်ခဲ့ပြီး နှစ်နိုင်ငံနယ်စပ်တစ်လျှောက် နယ်မြေများကို သိမ်းပိုက်ခဲ့ကြသည်။
၎င်းတို့သည် ပြည်သူများကိုခေါင်းဖြတ်သတ်ခြင်း၊ ကားစင်တင်ခြင်း အစရှိသည်တို့ကို ရက်စက်ကြမ်းကြုပ်စွာ ပြုလုပ်လျက်ရှိသည်။
အီရတ်တပ်ဖွဲ့ဝင်များကလည်း ISIL တို့ကို တန်ပြန်တိုက်ခိုက်မှုများပြုလုပ်ခဲ့ရာ တိုက်ပွဲများအဆက်မပြတ် ဖြစ်ပွားလျက်ရှိသည်။
No comments:
Post a Comment