.jpg)
အမျိုးဘာသာ သာသနာ ထိန်းသိမ်း စောင့်ရှောက်ရေး အဖွဲ့ (ဗဟို) ရဲ့ ညွှန်ကြားချက်နဲ့ တရားစွဲဆိုသွားမှာ ဖြစ်တယ်လို့ မြန်မာတစ်နိုင်ငံလုံးဆိုင်ရာ ၀ံသာနုရက္ခိတအသင်း ဥက္ကဌ ဦးမောင်မောင်က ပြောပါတယ်။
"အမျိုးဘာသာစောင့်ရှောက်ရေး ဆရာတော်ကြီးတွေက သြဝါဒကိုခံယူပြီးတော့ လုပ်ရတာဆိုတော့ အခုကိစ္စမှာ ဆရာတော်ကြီးတွေ စေခိုင်းသော်လည်းပဲ ကိုယ်တာဝန်နဲ့ကိုယ် တာဝန်သိစွာကျင့်သုံးရတဲ့သဘောပါပဲ၊ အထူးသဖြင့်တော့ တစ်နိုင်ငံလုံးမှာ ဒီကိစ္စကိုပြောနေတာ ဖြစ်နေပါတယ်၊ တခြားမလိုလားအပ်တဲ့ ပြဿနာတွေဖြစ်လာမှာလည်း စိုးရိမ်ပါတယ်၊ နိုင်ငံရေးကိစ္စတွေ ဆက်နွယ်လာမှာလည်း စိုးရိမ်ပါတယ်၊ ဒါကြောင့်မို့လို့ အေးအေးချမ်းချမ်းပြီးသွားစေချင်တဲ့ ဆန္ဒနဲ့လုပ်တာပါ၊ ကျနော်တို့က မုန်းလို့လည်းလုပ်တာမဟုတ်ပါဘူး၊ ကျနော်တို့က နိုင်ငံရေးလည်း မပါစေချင်ပါဘူး၊ အဓိကကတော့ အမျိုးဘာသာ သာသနာကိုစော်ကားတာနဲ့ပတ်သက်ပြီး တက်လာတဲ့ဒေါသတွေပေါ့လေ၊ ဒါတွေလည်း ပြန့်မသွားအောင် ကျနော်တို့က ထိန်းထိန်းသိမ်းသိမ်းဖြစ်အောင်ပေါ့ ဒါလေးတွေစီစဉ်တာပါ"
ပြီးခဲ့တဲ့ အောက်တိုဘာလ ၂၃ ရက်နေ့က စစ်ကိုင်းတိုင်းဒေသကြီး ချောင်းဦးမြို့နယ် သုံးပန်လှ စံပြကျေးရွာမှာ ကျင်းပခဲ့တဲ့ စာပေဟောပြောပွဲမှာ NLD အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးအဖွဲ့ဝင် စာရေးဆရာ ထင်လင်းဦးက ဘာသာ၊ သာသနာ၊ လူမျိုးရေးနဲ့ အယူဝါဒပိုင်းဆိုင်ရာကိစ္စရပ်တွေကို ထည့်သွင်းဟောပြောခဲ့တာ ဖြစ်ပါတယ်။
စာရေးဆရာ ထင်လင်းဦးက အဲဒီဟောပြောပွဲမှာ အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးအဖွဲ့ဝင်အနေနဲ့ ဟောပြောခဲ့တာမဟုတ်ပဲ စာရေးဆရာတစ်ယောက်အနေနဲ့ ဟောပြောခဲ့တာဖြစ်တယ်လို့ ပြောပါတယ်။
NLD အမျိုးသားဒီမိုကရေစီအဖွဲ့ချုပ်ကလည်း စာရေးဆရာထင်လင်းဦး ဟောပြောချက်တွေဟာ ပါတီရဲ့သဘောထား မဟုတ်ကြောင်း မနေ့က ကြေညာချက်ထုတ်ပြန်ခဲ့ပါတယ်။
No comments:
Post a Comment