ဖရက်ဒရစ် အူမာရ် ကနူးတေး အကြောင်းတစေ့တဆောင်း

အမည်အပြည့်အစုံ        – ဖရက်ဒရစ် အူမာရ် ကနူးတေး (Frédéric Oumar Kanouté)
မွေးသက္ကရာဇ်        – ၂၊ ၉၊ ၁၉၇၇
ကစားသည့်နေရာ        – တိုက်စစ်မှူး
လက်ရှိကလပ်        – Beijing Guoan
နိုင်ငံ            – မာလီ
ဖရက်ဒရစ် အူမာရ် ကနူးတေးကို ပြစ်သစ်နိုင်ငံ အရှေ့ပိုင်း Sainte-Foy-lès-Lyon မြို့တွင် ၁၉၇၇ ခုနှစ် စက်တင်ဘာ ၂ ရက်နေ့၌ ပြင်သစ်မိခင်နှင့် မာလီဖခင်တို့မှ မွေးဖွားခဲ့သည်။ မာလီလက်ရွေးစင် အသင်းအတွက် ကစားပေးခဲ့ကာ ၂၀၀၇ ခုနှစ် အာဖရိက အကောင်းဆုံး ဘောလုံးသမားဆုကို ပထမဦးဆုံး ရရှိခဲ့သည့် အာဖရိကတိုက် ပြင်ပတွင်မွေးဖွားသော ကစားသမားဖြစ်သည်။
 


လိုင်ယွန်
သူ၏ ဘောလုံးစွမ်းရည်ကို ပြင်သစ်ကလပ် လိုင်ယွန် အသင်းမှ တွေ့ရှိခဲ့ပြီး ၁၉၉၇ ခုနှစ်တွင် ကနူးတေးအား စာချုပ်ချုပ်ဆိုခဲ့သည်။ လိုင်ယွန်အသင်းတွင် ၅၈ ပွဲကစားပြီး ၉ ဂိုးသွင်းယူပေးခဲ့သည်။

ဝက်စ်ဟမ်းနှင့် တော့တင်ဟမ်
၂၀၀၀ ပြည့်နှစ်တွင် အင်္ဂလန်ကလပ် ၀က်စ်ဟမ်းအသင်းသို့ ပြောင်းရွှေ့ခဲ့သည်။ ၀က်စ်ဟမ်းအသင်းအတွက် ၈၄ ပွဲကစားပြီး ၂၉ ဂိုး သွင်းယူပေးခဲ့သည်။ ၀က်စ်ဟမ်းအသင်းတွင် ပြသသည့် သူ၏ ခြေစွမ်းကြောင့် ချီးကျူးခြင်းခံခဲ့ရသည်။ ၂၀၀၂-၂၀၀၃ ဘောလုံးရာသီတွင် အကုန်တွင် ကနူးတေးမှာ တော့တင်ဟမ်ဟော့ စပါးအသင်းသို့ ထပ်မံ ပြောင်းရွှေ့ခဲ့သည်။ အသင်းသို့ရောက်စတွင် ခြေစွမ်းပြခဲ့သော်လည်း နောက်ပိုင်းတွင် မျှော်မှန်းသလောက် ခြေစွမ်းပြနိုင်ခဲ့ခြင်း မရှိပေ။ တော့တင်ဟမ်အသင်းနှင့် ဘောလုံးရာသီ နှစ်ရာသီတွင် ပွဲ ပေါင်း ၆၀ ကစားခဲ့ပြီး ၁၄ ဂိုးသွင်းယူပေးခဲ့သည်။


ဆီဗီလား
 ၂၀၀၅ ခုနှင့် သြဂုတ်လ ၁၇ ရက်တွင် စပိန်ကလပ် ဆီဗီလာ အသင်းသို့ပြောင်းရွှေ့ခဲ့သည်။ အင်္ဂလန်ကလပ် မစ်ဒယ်ဘရော့အသင်းအား ၄ ဂိုး ဂိုးမရှိဖြင့် အနိုင်ရရှိခဲ့သော ၂၀၀၆ ယူအီးအက်ဖ်အေဖလား ဗိုလ်လုပွဲတွင် ဒုတိယပိုင်း လူစားဝင်ကစားခဲ့ပြီး ၈၉ မိနစ်တွင် အသင်းအတွက် အနိုင်ဂိုးတစ်ဂိုး သွင်းယူပေးခဲ့သည်။ ၂၀၀၇ ခုနှစ်တွင်လည်း ဆီဗီလားနှင့်အတူ ယူအီးအက်ဖ်အေ ဖလားကို ထပ်မံ ရရှိခဲ့သည်။ ကနူးတေးမှာ ဆီဗီလားအသင်းတွင် ပုံမှန် ပွဲထွက်ကစားသမားဖြစ်ခဲ့ပြီး အသင်းအား ၂၀၀၈ ခုနှစ် ယူအီးအက်ဖ်အေ ပြိုင်ပွဲ ၀င်ခွင့်၊ ၂၀၀၉ ခုနှစ်တွင် ချိန်ပီယံလိဂ်ပြိုင်ပွဲ ၀င်ခွင့်ရရှိအောင် ကူညီပေးခဲ့သည်။ ဆီဗီလားအသင်းတွင် ၂၀၉ ပွဲကစားကာ ၈၈ ဂိုးသွင်းယူပေးခဲ့သည်။ ၂၀၁၂ ခုနှစ်တွင် တရုပ်ကလပ် Beijing Guoan  အသင်းသို့ ပြောင်းရွှေ့ခဲ့သည်။

နိုင်ငံလက်ရွေးစင် ကစားသမားဘ၀
လိုင်ယွန်အသင်းနှင့် ကစားနေစဉ်အတွင်း ကနူးတေးမှာ ၂၁ နှစ်အောက် ပြင်သစ် လူငယ်အသင်း အတွက် ရွေးချယ်ခြင်း ခံခဲ့ရသည်။ သို့ရာတွင် ပြင်သစ်လက်ရွေးစင် အသင်းကြီးတွင်မူ ရွေးချယ်ခြင်းမခံရပေ။ ၂၀၀၄ ခုနှစ်တွင် မာလီလက်ရွေးစင် အသင်းမှ ရွေးချယ်ခဲ့ပြီး ၂၀၀၄ ခုနှစ် အာဖရိကနိုင်ငံများဖလား ဘောလုံးပြိုင်ပွဲတွင် မာလီ လက်ရွေးစင်အသင်းအတွက် ၄ ပွဲကစား ၄ ဂိုးသွင်းယူပေးခဲ့ကာ အသင်းကို ဆီးမီးဖိုင်နယ်အထိ ရောက်ရှိအောင် စွမ်းဆောင်ပေးနိုင်ခဲ့သည်။
၂၀၀၇ ခုနှစ် အာဖရိကနိုင်ငံများဖလား ခြေစစ်ပွဲတွင် တိုဂိုးအသင်းအား အနိုင်ရရှိပြီးနောက် ကနူးတေးမှာ အသင်းဖော် Mamady Sidibe နှင့်အတူ တိုဂို ပရိတ်သတ်များ၏ တိုက်ခိုက်ခြင်းကို ခံခဲ့ရသည်။ ၂၀၀၇ ခုနှစ် အာဖရိက အကောင်းဆုံးဘောလုံး ကစားသမားအဖြစ် ရွေးချယ်ခြင်းခံခဲ့ရသည်။ ၂၀၁၀ အာဖရိကနိုင်ငံများ ဖလား ဘောလုံးပြိုင်တွင် မာလီအသင်း ပြိုင်ပွဲမှထွက်ခဲ့ရပြီးနောက် ကနူးတေးသည် လက်ရွေးစင်ကစားသမား ဘ၀မှ အနားယူကြောင်း ကြေညာခဲ့သည်။ မာလီအသင်းအတွက် ၃၉ ပွဲကစားပြီး ၂၃ ဂိုး သွင်းယူပေးခဲ့သည်။

အောင်မြင်မှုများ

ဆီဗီလား
ယူအီးအက်ဖ်အေဖလား (၂) ကြိမ် (၂၀၀၆၊ ၂၀၀၇)
စပိန်ဘုရင့်ဖလား (၂)ကြိမ် (၂၀၀၇၊ ၂၀၁၀)
ယူအီးအက်ဖ်အေ စူပါဖလား (၂၀၀၆)
စပိန်စူပါဖလား (၂၀၀၇)
တစ်ဦးချင်း
အာဖရိက အကောင်းဆုံး ဘောလုံးသမားဆု (၂၀၀၇)


ခုလိုအားပေးတဲ့အတွက် အထူးကျေးဇူးတင်ပါကြောင်း ပြောကြားပါရစေ..ဆည်းဆာ မှ နည်းပညာများအား မည်သူမဆို လွတ်လပ်စွာ ကူးယူသုံးစွဲနိုင်ပါတယ်..လိုအပ်တာများရှိပါက.. C-Box မှာပြောခဲ့ကြနိုင်ပါတယ်... အတတ်နိုင်ဆုံး ကြိုးစား ကူညီ မျှဝေသွားပါမည်... ကျွန်တော် ပိုင်ဆိုင်သောနေရာလေးအား ဆက်လက် လည်ပါတ်လိုပါက { ဒီမှာ } သွားလိုက်ပါ