.jpg)
သမ္မတ ဦးသိန်းစိန်မှာ မောင်နှမသားချင်း သုံးဦးရှိပြီး အငယ်ဆုံြး ဖစ်ကြောင်းနှင့် ငယ်စဉ်ကပင် စာဖတ်သည့် အလေ့အကျင့် ရှိကြောင်း လည်း ဦးထွန်းမြင့်က ယခုကဲ့သို့ ပြောပြသည်။
““သူ့ကို သမ္မတတစ်ယောက် ဖြစ်လာစေဖို့အတွက် အတိတ်၊ ပစ္စုပ္ပန် အကြောင်းအကျိုးတွေ လိုတယ်။ အတိတ် အကြောင်းကြောင့် ပစ္စုပ္ပန်မှာကတော့ သူက သူ့ကိုယ်သူ ကောင်းအောင် နေတယ်။ စိတ်ကို နိုင်အောင် ထိန်းတယ်။ မလုပ်သင့်တာကို မလုပ်ဘူး။ နောက်တစ်ခုက အမူအကျင့်ပဲ။ သူ့အကျင့်က အားနေရင် စာကြည့် တာပဲ။ သူက အားနေရင် အင်္ဂလိပ်စာ လေ့လာတယ်။ အချိန်ကို အလကား မထားဘူး။ ပြီးတော့ လက်ဖက် ရည်ဆိုင် ထိုင်တာတို့လည်း သိပ်မလုပ်ဘူး။ နောက်တစ်ခုက သူက သူ့အထက် လူကြီးတွေကို လေးစားတယ်။ လူကြီးတွေရဲ့ စကားကို နားထောင်တယ်။ လူကြီးတွေကို ကလန်ကဆန် မလုပ်ဘူး။
ဗိုလ်ချုပ်မှူးကြီးတွေ၊ ဗိုလ်ချုပ်ကြီး သန်းရွှေတို့၊ ဗိုလ်ချုပ်ခင်ညွန့်တို့ အဲဒီအနားတွေမှာနေပြီး အဲဒီလူကြီးတွေရဲ့ စကားကို နားထောင်တယ်။ သိပ်ပြီးတော့ ကလန်ကဆန် ခံပြောတာတို့၊ ကြွပ်ဆတ်ဆတ် လုပ်တာတို့ သူကမရှိ ဘူး။ နောက်တစ်ခုက သူ့အမူအရာက ဘယ်လိုပဲခိုင်းခိုင်း ပျာရိပျာယာလုပ်တာ မရှိဘူး။ တည်တည်ငြိမ်ငြိမ် မှန်မှန်ပဲ။ လူကြီး ခေါ်လည်း တချို့အရာရှိတွေဆို အပြေးအလွှား သွားတတ်တယ်။ သူကတော့ မှန်မှန်ပဲ။ အဲဒီတော့ သူ့စိတ်ကိုတော့ တည်ငြိမ်အောင် ထားတယ်။ စိတ်ငြိမ်အောင် ဂေါက်ရိုက်တယ်။ နောက် နှလုံးခုန်စက်တပ် ထားရတော့ ဂေါက်မ ရိုက် နိုင်တော့ဘူး””ဟု ဦးသိန်းစိန် သမ္မတ ဖြစ်ရခြင်း အကြောင်းရင်းတစ်ရပ် အဖြစ် သမ္မတ၏ အစ်ကိုဖြစ်သူ ဦးထွန်းမြင့်က ယူဆပြောဆိုသည်။
ဦးသိန်းစိန်မှာ မိသားစုအကျိုးထက် အများပြည်သူ အကျိုးကိုသာ ကြည့်တတ်သူ ဖြစ်ကြောင်း၊ ဆွေမျိုးများက အကူအညီ တောင်းခံမှုများ ရှိသော်လည်း မိမိအစွမ်းအစဖြင့်သာ လုပ်ဆောင်ကြရန် ပြောဆိုလေ့ ရှိကြောင်း ကိုလည်း ယခုကဲ့သို့ ပြောပြသည်။
““သူကတော့ မိသားစုကိစ္စ သိပ်အလေးမထားဘူး။ အများပြည်သူ အရေးပဲ အလေးထားတယ်။ ငါတို့လည်း ဆင်းဆင်းရဲရဲပဲ နေရတယ်။ ဘာမှ မလုပ်နိုင်ဘူး။ ဟိုဟာတောင်း၊ ဒီဟာတောင်းပဲ လုပ်နေရတယ်။ ငါ့သား သမီးတွေ ဆိုလည်း ““မင်းတို့ အရည်အချင်းနဲ့ မင်းတို့လုပ်ကြ””လို့ ပြောတယ်။ ငါ့သားအကြီးက လက်ထောက် ညွန်ကြားရေး မှူးရာထူးနဲ့ မကွေးမှာ တာဝန်ကျတယ်။ သူ့ကိုလည်း ““ကိုယ့်အစွမ်းအစနဲ့ ကိုယ်လုပ်။ ငါ့ ကို ဟိုဟာလာပြောခိုင်း၊ ဒီဟာ လာပြောခိုင်း မလုပ်နဲ့””လို့ ပြောတယ်။ ကိုယ်တို့လည်း လောဘသားပဲ။ ဟိုဟာလေး လည်း လိုချင်၊ ဒီဟာလေးလည်း လိုချင်ပေ့ါ။ သူကတော့ ဘဘကို ““ဘာမှမလုပ်နဲ့။ လိုချင်တာရှိရင် ကျွန်တော့် ကိုပြော””လို့ ပြော တယ်။ သူကလည်း ပေးနိုင် ကျွေးနိုင် သလောက်တော့ ပေးတာကျွေးတာပေ့ါ။ သူက င့ါကို ပြောသာနေ တာ။ မြေကွက်တစ်ကွက် မပေးဖူးဘူး။ တစ်ခုတော့ ရှိတယ်။ သူ့အိတ်ထဲက ပိုက်ဆံစိုက်ပြီး ဖုန်းလေး တစ်လုံးတော့ ၀ယ်ပေးဖူးတယ်။ မျက်စိခွဲစိတ် ကုသပေးဖူးတယ်”” ဟု သမ္မတ၏ အစ်ကိုဖြစ်သူ ဦးထွန်းမြင့်က မီဒီယာများသို့ ပြောသည်။
No comments:
Post a Comment