.jpg)
Facebook လူမှုကွန်ယက် စာမျက်နှာတွေမှာ ရွှေပြည်သာမြို့က လူငယ်တဦးကို “လူ့ကျင့်ဝတ်နဲ့မညီတဲ့ တရားဥပဒေနဲ့ မကိုက်ညီတဲ့ စစ်ဆေးမှု” ဆိုတဲ့ ခေါင်းစဉ်နဲ့ ဖော်ပြထားတဲ့အပေါ် အခုလို သတင်းထုတ်ပြန်လိုက်တာလို့ ဆိုပါတယ်။
“လူ့ကျင့်ဝတ်နဲ့မညီတဲ့ တရားဥပဒေနဲ့ မကိုက်ညီတဲ့စစ်ဆေးမှု” ဟူသော ခေါင်းစဉ်နဲ့ ဇီးကုန်း၊ ရွှေပြည်သာမြို့နယ်၊ ရန်ကုန်မြို့မှာ လူငယ်ချင်းရန်ဖြစ်တဲ့ အမှုကို လူ့ကျင့်ဝတ်နဲ့မလျှော်ညီဘဲ လူ့အခွင့်အရေးကို ချိုးဖောက်ပြီး နယ်ထိန်း အောင်မြင့်စိုး၊ ရာအိမ်မှူး သန်းထိုက်အောင်၊ ရပ်ကွက်အုပ်ချုပ်ရေးမှူး ဌေးမြင့်တို့က လူငယ်တဦးကို အ၀တ်အစားတွေ အတင်းချွတ်ခိုင်းပြီး စစ်ဆေးနေကြောင်း ဖေ့စ်ဘွတ်လူမှုကွန်ရက်တွေမှာ ဖော်ပြထားပါတယ်။
ဒီလူငယ်ဟာ ရန်ပွဲထဲတွင်လည်း မပါဝင်ဘဲ အခုလို လုပ်ရပ်မျိုး လုပ်ဆောင်နေသူတွေကို ထိထိရောက်ရောက်အရေးယူဖို့ တောင်းဆိုကြောင်း ဓာတ်ပုံမှတ်တမ်းတွေနဲ့တကွ ဖော်ပြထားတာပါ။
ဒီဖြစ်စဉ်မှာ ရဲတပ်ကြပ်ကြီး အောင်မြင့်စိုးရဲ့ ပါဝင်ပတ်သက်မှုကို စုံစမ်း စစ်ဆေးရေးခုံရုံးဖွဲ့စည်း စစ်ဆေးဆောင်ရွက်လျက်ရှိပြီး ရဲစည်းကမ်း ထိန်းသိမ်းရေးဥပဒေအရ ဆက်လက်အရေးယူဆောင်ရွက်သွားမယ်လို့ ရဲတပ်ဖွဲ့က သတင်းထုတ်ပြန်ထားပါတယ်။
No comments:
Post a Comment