.jpg)
နိုင်ငံတွင်း သြဂတ်စ်လ နှောင်းပိုင်းကစပြီး ပလိပ်ရောဂါကြောင့် လူ ၁၁၉ ယောက်ကို ကူးစက်ခဲ့ပြီး အယောက် ၄၀ သေဆုံးခဲ့တယ်လို့ WHO က နိုဝင်ဘာလ ၂၁ ရက်နေ့က ကြေညာပါတယ်။
ပလိပ်ရောဂါဟာ ဘက်တီးရီးယားကနေ ကူးစက်တာဖြစ်ပြီး ရှဥ့်နဲ့ ကြွက်တို့ကိုယ်မှာရှိတဲ့ လှေးကနေတဆင့် ကူးစက်တာ ဖြစ်ပါတယ်။ ရောဂါကူးစက်ခံ လှေးကိုက်တာက ခံရတဲ့ လူမှာတော့ ပလိပ်ကပ်ရောဂါကူးစက်ခံရပြီး ဘက်တီးရီးယားက လူ့အဆုတ်ထဲကိုရောက်သွားရင် လူနာဟာ နမိုးနီးယာ ပလိပ် ရောဂါကို ခံစားရမှာပါ။ ဒီအဆင့်မှာတော့ ချောင်းဆိုးခြင်းကတဆင့် လူကနေ လူကို ကူးစက်နိုင်တဲ့ ရောဂါဖြစ်လာပါတယ်။
ဒီလို ဖြစ်လာရင် ၂၄ နာရီအတွင်းမှာ အသက်သေစေနိုင်တယ်လို့ ကမ္ဘာ့ကျန်းမာရေးအဖွဲ့က ဆိုပါတယ်။ လောလောဆယ်တော့ မဒါဂတ်စ်ကားမှာ ကူးစက်ခံ ၂ ရာခိုင်နှုန်းက နမိုးနီးယားပလိပ် အဆင့်ကို ရောက်ခဲ့တယ်လို့ WHO က ဆက်ပြောပါတယ်။ ကူးစက်မှုအားလုံးကို မြို့တော်နဲ့ နီးသည်ဖြစ်စေ ဝေးသည်ဖြစ်စေ အသည်းအသန် ကိုင်တွယ်ဖြေရှင်း နေတယ်လို့လည်း ဆိုပါတယ်။
ကူးစက်နဲ့ပတ်သက်တဲ့ သတင်းအချက်အလက် တွေပေါ် အခြေခံပြီး ကူးစက်ခံ ဒေသတွေကို ကုန်သွယ်ရေးနဲ့ ခရီးသွားလာမှု ကန့်သတ်တာတွေ လုပ်ဖို့ကို WHO က မထောက်ခံပါဘူး။ ကူးစက်မှုတုိုင်းမှာ ကူးစက်မှုရပ်တံ့ဖို့ လုိုအပ်သမျှ လုပ်ဆောင်ချက် အားလုံးကို လုပ်နေတယ်လုို့ ဝန်ကြီးချုပ် ရိုဂျာက ပြောခဲ့ပါတယ်။
No comments:
Post a Comment