.jpg)
အာဖဂန်နစ္စတန်နိုင်ငံ အရှေ့ပိုင်း၌ ကျင်းပသည့် ဘော်လီဘော ပြိုင်ပွဲတစ်ခုတွင် အသေခံ ဗုံးဖောက်ခွဲ တိုက်ခိုက်မှုတစ်ခု ဖြစ်ပွားခဲ့ရာလူ ၄၅ ဦးထက်မနည်း သေဆုံး ခဲ့သည်ဟု တာဝန်ရှိသူများက ပြောကြားသည်။
ပြိုင်ပွဲသို့လာရောက်ကြည့်ရှုသူ အများအပြား ရောက် ရှိချိန်တွင်အဆိုပါ တိုက်ခိုက်ရေး သမားက စနက်တံဖြုတ်ကာ ဗုံးဖောက်ခွဲ လိုက်ခြင်း ဖြစ်ကြောင်း ပက်တီကာပြည်နယ် အုပ်ချုပ်ရေးမှူး၏ ပြောရေးဆိုခွင့်ရှိသူက ပြောကြားသည်။
ယာဟ်ယာခိုင်လ်ခရိုင်၌ ဖြစ်ပွားသည့် အဆိုပါ ပေါက်ကွဲမှုဖြစ်စဉ်တွင်လူ ၆ဝ ခန့်မှာလည်း ဒဏ်ရာရရှိ သွားသည်။ လာမည့်လအတွင်း အာဖဂန်နစ္စတန်နိုင်ငံ အတွင်းရှိ နိုင်ငံခြားတပ်ဖွဲ့အများစု ရုပ်သိမ်းသွားပြီးချိန်တွင် နေတိုးနှင့် အမေရိကန်တပ်ဖွဲ့ဝင်များ ဆက်လက်ကျန်ရှိ နေမည့်ကိစ္စနှင့်ပတ်သက်၍ အာဖဂန်ပါလီမန်အမတ်များက လက်ခံအတည်ပြုပြီးနောက် အဆိုပါပေါက်ကွဲမှုဖြစ်ပွား ခဲ့ခြင်း ဖြစ်သည်။
နေတိုးတပ်ဖွဲ့ဝင်အင်အားသစ် စုစုပေါင်း အရေ အတွက်မှာ ၁၂ဝဝဝ ခန့် ရှိမည်ဖြစ်ပြီး လေ့ကျင့်ပေးခြင်း၊ အကြံပေးခြင်း၊ အာဖဂန်လုံခြုံရေးတပ်ဖွဲ့ဝင်များကို ကူညီ ပေးခြင်းတို့ ပြုလုပ်သွားမည်ဖြစ်သည်။
ယနေ့ဖြစ်ပွားခဲ့သည့် ပေါက်ကွဲမှုမှာ ဒေသတွင်း ဘော်လီဘောပြိုင်ပွဲဗိုလ်လုပွဲကို ကြည့်ရှုရန် ပြင်ဆင် နေသည့် ပရိသတ်လူစုလူဝေး စုမိချိန်၌ ဖြစ်ပွားခဲ့ခြင်း ဖြစ်ပြီး သေကျေဒဏ်ရာရသူ အများစုမှာ အရပ်သားများ ဖြစ်ကြသည်။ ဘီဘီစီ
No comments:
Post a Comment